Biimɔʼ byû ŋgʉ mfàʼ bi ncɔbɔ laʼ

Bɛ̀ket bi laʼ bii bɔ nɔ ndʉhi ntʉʉ

Ditu lʉŋ bi fə̌fə̀ə̀ Mɔyaa

Ndah ditu bɛɛ tìlì laʼ Mɔyaa, ɛ nɔ njehe nùʼ mfàhtʉ̀nʉ̀ nduunjì yi ɛ nɔ :ŋgəə ntyut, mɛ lɔʼtà kii ŋgʉ mɛ̀laʼ ŋgùmà, mɔʼ bàh mfàh njì nɔ ŋkwɔʼ kwɛ̌ bàʼà ŋkwàhì bɔ̂ ŋwàʼnì mɛnʉ̄ʉ̄ yi bɔ nɔ mfuŋ (CES).

Nùʼ dih di nɔ ncɔbɔ lɛ, ɛ bɛɛ ditu yi mih fə̂fə̀ə̀ bii bɔ tɔhɔ faŋ bə ditě kii ŋgʉ mih bə̀ə̀ faŋ bii bɔ dyuu ndʉ laʼ bə tʉ.

Tàʼ ntùʼ lùhù tɔ̌ŋ laʼ Ŋgùmà

Lùhù yi bʉ yəə ha bɛɛ tɔ̌ŋ laʼ Ŋgùmà, ɛ bɛɛ bu ŋkwèbè nùʼ bɔ nɔ nsu dihə̌ ntyut mfi.

Ɛ saha ŋgwâ metà 25, ŋkii ŋgəə tʉ ŋgwâ metà 4 . Mbəyaa bə̀ə̀ bii bɔ nɔ njəə ni nɔ ŋgəʼi ni tɛtɛʼ.

Ntyut mfi bɛ̀kwàʼ

Kɛ̌ tàʼ ntyut yi bɔ dicèʼe ŋkut, ɛ bə bɔ cɔbɔ mbə ndɛ laʼ yuʼ kìbɔ̀ŋ mɛyaa nù ncwɔ̀ maki yi ɛ leʼ nsaŋ bə̀ə̀.

Pɔm nsi ket ŋwàʼnì mɛnʉ̄ʉ̄ Mɔyaa

Kɛ̌ tàʼ pɔmnsi yi ɛ nɔ njehe hàŋà ncwèhè kii ŋgʉ bɔŋkə ŋwàʼnì (CES).

Ndyuu ntyut bɛ̀kwàʼ

Ntèʼe yi ncwɔ̀ maki leʼ naʼ mfe ndah ntyut leʼ mbə dikulu tɔ̌ŋ bɛ̀ ŋgùʼ 70 nù di kii ncʉʼtʉnʉ laʼ.

Bàʼà ncʉʼtʉ̀nʉ̀ bɛ̀kàtɔlikə

Ndàh bàʼà ncʉʼtʉ̀nʉ̀ bɛ̀kàtɔlikə bə lɛ tɔ̌ŋ Kantɔn Mɔyaa, ntèʼe yi bɔ nɔ nɔ ndeh cwɔ laʼ bu kwèbè, si bɔ̂ si bɔ̂ bàʼà ŋwàʼnì ŋgɔpnàʼ yi bɔ nɔ mfuŋ (EP Moya. Bɛ̀bimi ntʉʉ Kàtɨlikə nɔ ŋgəə wu nù dihʉmi Nyàma.

Tàʼ ntùʼ nduŋnsi

Ndah ntùʼ nduŋnsi yi bʉ yəə bə lɛ laʼ Mɔyaa ŋgwâ kilù 2 nù tìlì laʼ . Dih di bɛ̂ haabɔnà. Kɛ̌ wu tɛ bɔ suŋ nsi nsə yi laʼ .

Mfàʼ bɛ̀fàʼ fàʼ ncɔbɔ laʼ

Dicwèhe

Cwèhè ncɔbɔ laʼ bɛɛ ŋwàʼnì ŋgɔpnàʼ Ŋgùmà nù dicwèhe ncɔbɔ laʼ.

Diyəə mbə yi ncɔbɔ Nyàma bə dibàhi bɔ̀ŋɔ

Dicasi ŋwàʼni Mbɔ̀ŋ Cwɔ̀ŋ

Ndɛ fàʼ bɛ̂ dicasi ŋkàŋa ŋwàʼni Mbɔ̀ŋ Cwɔ̀ŋ diyəə mbə yi ɛ bə dibàhi bɔ̀ŋɔ.

Fàʼ diyuʼu

Ndɛ fàʼ bɛ̂ diyuʼu ŋkàŋà ŋwàʼnì Mbɔ̀ŋ Cwɔ̀ŋ yi bɛ̀bàhì tee mbə yi bɔ nɔ njuʼ yû yi ɛ cɔbɔ, ŋkii nsəʼ byɛb ŋkwàŋì.

Disǔ bə̀ə̀ bi ncɔbɔ kwàʼ laʼ Fàŋandàà

Dicʉʼtʉnʉ bə̀ə̀ntʉ̀nʉ̀ laʼ Fàŋàndàà

Ditɔʼi leʼ 31 nù mbìhì ẅʉ nu ŋguʼ ŋkuu 1 leʼ nù mɛẅʉ dilunu bɛ, bɛ̀hàŋa mbɔŋ nù ncɔbɔ kwàʼ bɔ̂ tàʼ ŋgàŋà ntɔ̀ŋi yi (CABTAL) leʼ nsu Fàŋàndàà nù dicʉʼtʉnʉ bə̀ə̀ntʉ̀nʉ̀, ŋgʉ ndʉ bɔ bəə ncɔbɔ ncɔbɔ laʼ ŋkii ŋgʉ nù dicwɔʼ ŋwàʼnì ncɔbɔ laʼ.

Laʼ fàŋàndàà bə̀ə̀ntʉ̀nʉ̀ ncʉʼtʉnʉ bàʼa laʼ kii nyuʼ ə̀ə̀ bi ŋwàʼnì ncɔbɔ kwàʼ

Tɔ̌ŋ bàʼà ncʉʼtʉ̀nʉ̀ Fàŋàndàà

Bɛ̀laʼ fàŋàndàà kwahi nù diyuʼi bə̀ə̀ bii bɔ hʉ tu nù ncɔbɔ kwàʼ.

Télécharger:

Diyène ŋkà́ŋà

Diyène ŋkàŋà

Yène ŋkàŋà yi ɛ nɔ ncwèhe leʼ yi bɔ nɔ ŋkwehe leʼ Ncɔbɔ laʼ tɔ̌ŋ laʼ Mɔyaa. Ɛ bɛ̂ leʼ 21/2 /2025.